ORGANIZACIÓN DO BLOG
Con este blog queremos establecer unha canle de comunicación con vós, as familias, que nos
permita presentarvos diversas propostas que poidades levar a cabo coas vosas
fillas e fillos se así o considerades.
Empregaremos a
páxina principal para ir engadindo os retos semanais e aquelas propostas que
nos parezan máis interesantes, co fin de que poidades incluír algunhas delas
cada día sen presión, sen necesidade de facelas todas e adaptándoas ós ritmos e
intereses de cada nena ou neno.
A parte da
columna da esquerda dedicarémola a enlaces de interese e recursos online que
poden ser de utilidade para estes días, ademais de ir engadindo os blogs das
distintas especialidades.
Queremos recordar
que o mais importante estes días é acompañar emocionalmente ós nenos e nenas, estar
ó seu carón e deixalos xogar libremente, sen ter a preocupación de que "queden
atrás" no colexio, pois todos estamos na mesma situación.
Non pretendemos, polo
tanto, que o alumnado faga xornadas de cinco horas diarias, pois consideramos
que ningunha das propostas que fagamos podería substituír as aprendizaxes que
se dan na escola.
En relación a
isto, vos deixamos o enlace a un artigo de dúas mestras de Educación Infantil, Ángeles e Isabel Abelleira, que nos parece moi interesante e que
fai referencia a isto que acabamos de dicir.
Comentarios
Publicar un comentario